रामचन्द्र गिरी 
जापान । ओसाका नेपाली राजदुतावास जापान टोकियो, गैरआवासीय नेपाली संघ (एनआरएनए) जापान तथा विभिन्न संघ,संस्थाको सहयोगमा सम्बन्धित क्षेत्रिय समितीहरुको व्यवस्थापन सहित आयोजना भएको घुम्ति सेवा शिविर जापानको ओसाकामा सम्पन्न भएको छ । शिविर बैशाख १६,१९ गते ९अप्रील २९, ३० र मे १ र २ तारीख सम्म चार दिन ओसाकामा संचालन भएको थियो ।
शिविरबाट पाँच सय तेईस जनाले सेवा प्राप्त गर्नु भएको थियो भने यो शिविरबाट राज्यलाई करिब १ करोडको हाराहारिमा राजस्व संकलन भएको दूतावासले जानकारी दिएको छ । सेवा लिन टोकियो जादा आउँदा व्यहोर्नुपर्ने झन्झटबाट मुक्त हुँदा सेवाग्राहिहरुको झन्डै २ करोड २० लाखको हाराहारिमा रकम जोगिएको छ एनआरएका पुर्व सल्लाहकार नरेन्द्र बस्नेतले बताउनु भयो । कान्साईमा दोश्रो पटक र जापान व्यापी रुपमा पहिलो पटक भएको यो घुम्ती सिविरले जनहितको लागि सेवा पुर्याएको र अनुकरणिय भएको भन्दै आगामी दिनमा पनि यस्ता खाले कार्य गर्न दूतावासलाई बस्नेतले आग्रह गर्नु भयो । शिविरको जापानका लागि नेपाली राजदुत डाक्टर दुर्गा बहादुर सुबेदिले उद्घाटन गर्नु भएको थियो।
घुम्ती शिविरमा राहदानी नविकरण, जापानमा जन्मिएका बच्चालाई पहिलो पटक राहादनी बनाउन, अधिकृत वारेसनामा प्रमाणीकरण, राष्ट्रियता प्रमाणीकरण गर्न, सवारी चालक अनुमतिपत्र प्रमाणीकरण तथा अन्य प्रमाणीकरण ९ जन्मदर्ता, अविवाहित, नाता सम्बन्ध गर्ने यात्रा अनुमति पत्र लगायतका अन्य परामर्श सेवा संचालन गरेको थियो । जापान भरिनै यस्ता सेवा प्रवाह गर्न दूतावासको सहयोगमा सधै यस्ता कार्यक्रम गरिरहने एनआरएनए जापानका अध्यक्ष शिवप्रसाद पौडेलले बताउनु भयो ।
घुम्ती शिविर साईतामा, गुन्मा, नागोया फुकुओका, इबाराकीमा सम्पन्न गरि सकेको एनाआरएनएका क्षेत्रीय समन्वय समिती संयोजक तथा उपाध्यक्ष रामकृष्ण श्रेष्ठले जानकारी दिनु भयो । कार्यक्रममा एनाआरएनएका वरिष्ठ उपाध्यक्ष नवीन निउरे, उपाध्यक्षहरु महेश कुमार कटुवाल, सगिता अधिकारी, महासचिव शिद्धार्थ श्रेष्ठ लगायतको सहभागिता रहेको थियो ।
