अर्थ संवाद 
नेपाली काँग्रेसका महामन्त्री गगन थापाले अनावश्यक खर्चलाई कटौति गर्नका लागि राष्ट्रपति र प्रधानमन्त्रीलाई सचिवालय सदस्यको संख्या खटाउन आग्रह गर्नुभएको छ ।
बुधवार नेपाल वित्तिय संस्था कर्मचारी संघको राष्ट्रिय महाधिवेशन समुद्घाटन समारोहमा सम्बोधन गर्दै महामन्त्री थापाले देशको आर्थिक अवस्था संकटग्रस्त रहेकाले राष्ट्रपति र प्रधानमन्त्रीलाई सचिवालय सदस्यको संख्या घटाउन आग्रह गर्नुभएको हो । उहाँले राष्ट्रपति र प्रधानमन्त्रीदेखि विभिन्न निकायका पदाधिकारीहरु सबैले अत्यावश्यक बाहेकको खर्चलाई कटौति गर्नुपर्ने बताउनु भयो । सरकार खर्चमा मितव्ययी हुनुपर्ने उहाँको भनाई छ । महामन्त्री थापाले विकासको क्षेत्रमा हुने खर्च र पुँजिगत खर्चमा भने अझ सुधार गर्नुपर्ने बताउनु भयो । यसो गर्न सकेमा देशको आर्थिक अवस्थामा सुधार आउने उहाँले बताउनु भयो । उहाँले भन्नुभयो – ‘प्रधानमन्त्री पुष्पकमल दाहाल प्रचण्डले भन्न सक्नुपर्छ मैले मेरो सचिवालयको सदस्यबाट घटाएर सुरु गरेर, सम्माननीय राष्ट्रपतिले भन्न सक्नुपर्छ मलाई अहिले १२ जना, १५ जना सल्लाहकार राख्ने कानूनले सुविधा दिएको छ । तर म पाँच जना मात्रै राख्छु । म ३ जना मात्र राख्छु । हेर्दा सामान्य कुरा देखिन्छ । अहिले हामी अपm्ठ्यारो अवस्थामा छौँ । जब राष्ट्रपति, प्रधानमन्त्रीदेखि तलसम्म सबैले भन्न थाल्छ कि हामी अपm्ठ्यारोको बेलामा भएको हुनाले गर्दा हामी अत्यावश्यक बाहेकको खर्चलाई हामी कटौती गर्दैछौँ । मितव्ययी हुँदैछौँ । तर विकासको क्षेत्रमा गर्नुपर्ने, पुँजिगत खर्च गर्नुपर्ने हो त्यो खर्चमा भने हामी पहिलाको भन्दा पनि सुधार गर्छौं । हामी दिनरात एक ठाउँमा बसेर काम गर्छौ भन्ने ढंगबाट गयौँ भने बल्ल यसबाट थोरै भएपनि सुधार आउँछ । उहाँले देशको आर्थिक संकट समाधान गर्नका लागि प्रधानमन्त्रीले प्रमुख प्रतिपक्ष दल नेकपा(एमाले) सँग पनि सम्वाद गर्नुपर्ने बताउनु भयो । स्थानीय सरकारमा एमाले पनि रहेको उल्लेख गर्दै उहाँले एमालेसँगको सम्वाद र सहकार्य आवश्यक रहेको बताउनु भयो । त्यस्तै सरकार र नेपाल राष्ट्र बैंककाबीचमा पनि विश्वसनीय सम्बन्ध हुनुपर्ने उहाँले बताउनु भयो । महामन्त्री थापाले राष्ट्र बैंक र सरकारको दृष्टिकोणमा पनि समानता ल्याउनुपर्ने बताउनु भयो ।
उहाँले भन्नुभयो – ‘म त प्रधानमन्त्रीलाई आग्रह गर्न चाहन्छु उहाँले काँग्रेस, समाजवादी, माओवादी गठबन्धनमा रहेका दलमात्र होइन, प्रमुख प्रतिपक्ष दलसँग कम्तिमा अपm्ठ्यारोको बेलामा यसरी जाऔँ । यसरी गरौँ । किनकी स्थानीय सरकार त नेकपा(एमाले)को पनि छ नि त । कतिपय ठाउँमा प्रदेशमा हामीसँगै मिलेर काम गर्नुपर्ने छ । त्यसैले प्रमुख प्रतिपक्ष दलसँग त बसेर संवाद गर्नुपर्ने भएको बेलामा यो बेलामा जसले पार्टीहरुका बीचमा, सरकारका विभिन्न तहका बीचमा समन्वय, सहकार्य गर्ने बेलामा यतिखेर सरकार र राष्ट्र बैंकको सम्बन्ध पनि, एकअर्काको परिपूरकको जस्तो सम्बन्ध हुनुपर्छ । सरकारले पनि राष्ट्र बैंकको नेतृत्वलाई त्यही हिसावले, राष्ट्रबैंकको नेतृत्वले पनि सरकारलाई को सरकारमा छ, कहाँबाट को आएको छ भन्ने आँखाले होइन यो बेलामा विश्वसनीय सम्बन्ध पनि हुनुपर्छ । पारदर्शी हुनुपर्छ । एकअर्काको दृष्टिकोणमा पनि समानता ल्याउनुप¥यो । महामन्त्री थापाले सरकार दौडिनुपर्ने अवस्था भएपनि तुना बाँध्नमै अल्मल्लिएको टिप्पणी गर्नुभयो । उहाँले सरकार अल्मल्लिएको भन्दै दौडिन शुरु गर्नुपर्नेमा जोड दिनुभयो । उहाँले आगामी ५÷६ महिनामा सरकारले नागरिकहरुलाई सरकारले काम गर्न शुरु ग¥यो र लक्ष्यमा पुग्छ भन्ने भरोसा दिलाउन सक्नुपर्ने बताउनु भयो । उहाँले भन्नुभयो – ‘नेपाली काँग्रेस समेत सम्मिलित भएको अझ एकप्रकारले भन्ने हो भने नेपाली काँग्रेसकै नेतृत्व रहेको सरकार भर्खर बनेको छ । केन्द्रमा पनि बन्यो । प्रदेशमा पनि ३÷४ दिन भित्रमा नयाँ सरकारहरु बन्ने, बदलिने क्रम हुन्छ । कम्तिमा ८÷१० दिन समय लाग्ला । अब यो सरकारसँग छुट छैन । हामीले त प्रधानमन्त्रीलाई के भनेका छौँ भने तपाई त अब हिडेर कहीँ पुग्छु भन्ने सोच्दै नसोच्नुस् । हिँडेर पुग्ने सुविधै छैन हामीसँग । हाम्रो सरकारसँग अब हिँडेर होइन दौडेर मात्र पुग्नसक्ने अवस्था छ । तर सरकार दौदिन शुरु नै गरेन । अझैपनि तुना बाँधेको जस्तो छ । कहिले तुना बाँधेर बस्छ । कहिले कुर्सी खोज्छ । अल्मल्लिएको जस्तो भयो । यसले दौडिन शुरु गर्नुप¥यो । प्रधानमन्त्री भनेको क्याप्टेन हो । क्याप्टेनले सिंगो टिमलाई साथमा लिने । अब यतिखेर के हेर्ने हो भने अब बजेटको साइकललाई हेरौँ । जेठ १५ गते बजेट आउँछ । डेढ, दुई महिनाको समय छ । बजेट पछि पनि समय छ । सरकारले पाँच, ६ महिना सोच्ने हो । यो पाँच महिनाभित्र नेपालको सरकारले दगुर्न शुरु गरेर नागरिकहरुलाई सरकारले दगुर्न थाल्यो, गति पनि छ । लय पनि छ । संकल्प पनि छ । लक्ष्यमा पनि पुग्छ । काम शुरु ग¥यो भन्ने कुराको महशुस गराएर नागरिकहरुको मनमा जुन अविश्वास देखिएको छ, भरोसा दिनुप¥यो ।महामन्त्री थापाले प्रधानमन्त्री र मन्त्रीहरुलाई ३ महिनासम्म अनलाइन र टेलिभिजनमा अनुहार नदेखाई काम गरेर देखाउन आग्रह पनि गर्नुभयो ।
